inner slider

2017-09-14 හා 15 දෙදින ඌව පළාතේ ගරු පාර්ලිමේන්තු මන්ත්‍රී කාර්ය මණ්ඩලයේ නිලධාරීන් සඳහා පැල්ගහතැන්න, ඌව කළමනාකරණ සංවර්ධන ආයතනයේදී ඉතා සාර්ථක අන්දමින් නිමා විය. ඒ සඳහා මන්ත්‍රී කාර්ය මණ්ඩලයේ පර්යේෂණ නිලධාරී, ලේකම්, යතුරු ලේඛක හා කාර්යාල කාර්ය සහායක නිලධාරීන් සහභාගී විය. එම වැඩසටහනෙහි මූලික අරමුණ වූයේ යහපත් සමාජ සේවාවක් සැලසීම හා මූල්‍ය ප්‍රතිපාදන විධිමත් ආකාරයෙන් භාවිතා කිරීම සම්බන්ධයෙන් දැනුවත් කිරීමයි.  

2017-07-15 වන දින පාර්ලිමේන්තු අණපනත් හා කාරකසභා පිළිබඳ ඌව පළාතේ මාණ්ඩලික නිලධාරීන් දැනුවත් කිරීමේ සම්මන්ත්‍රණය පැල්ගහතැන්න, ඌව කළමනාකරණ සංවර්ධන ආයතනයේදී සාර්ථකව පවත්වන ලදි. එම සම්න්ත්‍රණයට බදුල්ල දිස්ත්‍රික් ලේකම් කාර්යාලයේ, බදුල්ල දිස්ත්‍රික්කයේ සියලු ම ප්‍රාදේශීය ලේකම් කාර්යාලවල, මොණරාගල දිස්ත්‍රික් ලේකම් කාර්යාලයේ, මොණරාගල දිස්ත්‍රික්කයේ සියලු ම ප්‍රාදේශීය ලේකම් කාර්යාලවල, ඌව පළාත් සභාවේ මාණ්ඩලික නිලධාරීනන් හා ඌව පළාතේ ගරු මන්ත්‍රීවරුන් ඇතුලු මාණ්ඩලික නිලධාරීන් සහභාගි විය. 8 වන පාර්ලිමේන්තුවේ ක්‍රියාත්මක වන ආංශික අධීක්ෂණ කාරක සභා, කාරක සභා පිළිබඳව හා විශේෂ කමිටුවල ක්‍රියාකාරිත්වය පිළිබඳව දැනුවත් කිරීම මෙම සම්මන්ත්‍රණයේ මූලික අරමුණ විය.

ගරු පාර්ලිමේන්තු මන්ත්‍රීවරුන්ගේ රියදුරන් සඳහා දෙමළ මාධ්‍ය රියදුරු පුහුණු වැඩසටහනක් 2017-08-24 හා 25 දෙදින බත්තරමුල්ල, පැලවත්ත නිවාස සැලසුම්  හා ගොඩනැගිලි මධ්‍යස්ථානයේදී (CHPB) පවත්වන ලදි.

රියදුරන්ගේ ආකල්ප සංවර්ධනය සහ නවීන වාහන හා නවීන වාහන උපාංග පිළිබඳ දැනුම ලබාදීම මෙම වැඩසටහනෙහි මූලික අරමුණ විය.

ඉතා සාර්ථකව පවත්වන ලද එම පුහුණු වැඩසටහන සඳහා යාපනය, දිගාමඩුල්ල, වව්නියාව, මඩකලපුව, ත්‍රිකුණාමලය, නුවරඑළිය, මහනුවර, බදුල්ල හා කොළඹ දිස්ත්‍රික්කවල සහ ජාතික ලයිස්තුවෙන් තේරී පත්වූ ගරු මන්ත්‍රීවරුන්ගේ දෙමළ මාධ්‍ය රියදුරු මහතුන් සහභාගී විය. මෙම පුහුණු වැඩසටහන සඳහා ඉතා යහපත් ප්‍රතිචාර ලැබුණු අතර එය සාර්ථකව නිමා විය.